溫泉蛋牛肉煲仔飯& 紫菜豆腐魚蛋魚湯

【溫泉蛋牛肉煲仔飯】

過年前過年後都係食..食..食...什麼菜差不多也吃勻..😅 。。。。尤其過年後食團拜飯多數都係中餐，攪到响屋企自己都唔知煮咩好🤔，數一數...都有十幾日冇煮過飯😅...今晚.....就簡簡單單.....求求期期......整番個🍳🐂溫泉蛋牛肉煲仔飯先..， 呢味通常都係我諗唔到煮咩餸時最常出現嘅.....😂😂，我真係好鐘意食溫泉蛋㗎😋，用蒸爐整超方便，按幾吓就攪掂，牛肉我鐘意肉味濃d嘅頸脊，整滑牛超正，再煮多煲紫菜豆腐魚蛋魚湯，唔.....正到呢.....😋😋😋😋

【溫泉蛋牛肉煲仔飯】3-4人份量

雞蛋。4隻
米。2杯
水。2杯

牛肉。300g(切片, 調味：糖、生粉、雞汁各一茶匙、水兩湯匙，攪勻醃45分鐘)
煲仔飯汁

紅蔥頭。六粒切片

蒜頭。 三粒切碎
蒸魚豉油。4湯匙
糖。1茶匙

做法：(溫泉蛋做法)雞蛋室溫，放蒸爐65度40分鐘,  VS慢煮版：63.5度 40分鐘
          米洗淨先浸水1小時 ，牛肉落調味醃45分鐘。
          米加水放煲內中火煲至水滾起魚眼，用筷子攪勻約2-3分鐘。
          加蓋煮至煲邊出蒸氣，轉至用小火煮8分鐘，開蓋加入牛肉在飯面，落蓋轉大火煮30秒，再轉回小火煮5分鐘，熄火不要開蓋焗10分鐘，如要有飯焦的話，可再開小火煮5分鐘。
煲仔飯汁做法： 小鑊落2湯匙油，落紅蔥頭、蒜頭爆香，再加蒸魚豉油、糖，煮理滾起即可。

PS:原本不太好飯的我。。也忍不住吃了一碗，牛肉飯加上溫泉蛋再淋上香香惹味煲仔飯汁....誰可抵抗........
   
【紫菜豆腐魚蛋魚湯】
材料：紫菜。1塊( 用平底鑊烘乾紫菜，跌出雜物)
            玉子豆腐。2條(切片)  ，泰國粉絲。1包(浸水)
            魚蛋。10粒切半
            雜魚仔。50蚊
           薑。6片
            水。2 L
做法：開鑊落油大火出煙，落薑煎香，轉中火落魚仔每邊煎至金黃色(轉金黃色才好反轉魚身)，落滾水1L，轉大火煲至滾起煮至1/2水，再落1 L水，大滾後轉中小火煮至變白湯，煲大約40分鐘，將湯用篩隔去魚肉，只要魚湯轉落湯煲，大火再落魚蛋、豆腐、紫菜、粉絲，煲15分鐘，落鹽試味，食得。