【法式焦糖燉蛋】

【法式焦糖燉蛋】

蛋呀🍳....係呀🍳....又係蛋呀.....我真係好鐘意食雞蛋....之前未買慢煮神棍時，都會間唔時整嚟食，平時食吓甜甜，個人都放鬆D、開心D👻，嚟個專業而又易明做法......開工...😜😜

食譜

法式焦糖燉蛋 （四人份量）
材料: 
淡忌廉whipping cream 。500ml
牛奶 。100ml
蛋黃 。3個
雞蛋 。1個（全隻雞蛋）
砂糖 。60g + 20g（焦糖用）
雲尼拿精油 。1茶匙 / 新鮮雲尼拿條籽 1條
橙酒 。1/2 湯匙（可以唔加）
做法:
【1】預熱焗爐120度20分鐘
【2】將忌廉同牛奶用中小火煲熱，小泡熄火（如用新鮮雲尼拿籽可加入一齊煲，倒入蛋汁前拎走）
【3】將所有蛋同60g砂糖攪勻，攪到蛋同糖溶合，蛋液顏色變得有d淡，唔好攪得過多會有太多空氣太多泡。
【4】（如用雲尼拿油此時可加入落蛋汁），一邊攪蛋汁一邊逐少落忌廉攪拌（一定要逐少加，否則熱忌廉會令蛋汁太熟）。
【5】將蛋液過篩倒落甜品碗，如有氣泡用匙羹畢走。
【6】甜品碗放入深盤中，放入焗爐低層，加入熱水到深盤中約甜品碗1/3高，120度焗50分鐘，之後輕搖甜品碗，表面凝固而有微盪即已得，如蛋液震動得太厲害即未熟，可焗多5-10分鐘。
【7】焗完放室溫放涼，放入雪櫃最少4個鐘或過夜為佳（喜歡熱食都可），食前放砂糖响面，用火槍燒糖形成焦糖，食得。