慢煮銀鱈魚

【慢煮銀鱈魚】Sous Vide Black Cod

用Sous Vide 煮魚，可防止魚肉過熟變嚡口，保持魚質嫩滑，用於西餐較適合，中餐講究熱食，而銀鱈魚入口即化， 肉質非常細膩， 有獨特的清香和鮮味，銀鱈魚一般比較適合大陪分人食用， 分別是孕婦產婦、嬰幼兒、青少年、白領、中老年人。

因為銀鱈魚所富含“魚油”， 而魚油的主要成分是不飽和脂肪酸，同時不飽和脂肪酸分別是由DHA和EPA組成， 其中DHA可以健腦明目、增強記憶力、促進腦部發育、預防憂鬱症、緩解壓力。

而EPA則可以降低血脂血壓學粘度、防治關節炎、改善情緒和安胎的作用， 這個都是這五類人群所最需要的。(以上為維基解說)

銀鱈魚需魚油重，煎香不嚡身，慢煮方法同樣用作制三文魚都非常之好食，三文魚熟食魚肉嚡，但經低溫慢煮後，完全嫩滑，值得一試。

食譜👇😋

古法蒸鷹鯧魚

【古法蒸鷹錩魚】🐠🐟

鷹錩係錩魚中之王，其魚肉白厚、肉多骨少、魚味濃、不帶腥味，街市內不常有，因鷹鯧一上水就會死，所以漁民捉到就立即冰鮮，但價錢往往都要十幾元一両，越大條身價越貴，比海班還要貴，街市會游水的多數係便宜很多的黃立鯧，如有游水鷹鯧賣，我相信會是天價了。

鯧魚多數人都會是用煎、炸、豉汁蒸方法烹調，但剛過去不久，和家人曾在泰國唐人街一間中菜館食過一種古老方法烹調，家人說這是潮州舊式煮法，香港現在很少人會這樣做，我沒有食魚天份，但家人對魚有些要求，食過此魚後一直念念不忘，回港後也曾有意冇意提過些........好吧.....即上網搵資料參考一下，看見也有好幾種做法，孤注一試啦.....參考幾個資料再混合在一起....應該唔會差呱.....😂😂😂, 好彩當晚冇令家人失望....都又幾好食㗎.....😜😜😜

食譜👇

【蔥爆魚卜】

【蔥爆魚卜】

魚.....煎魚......蒸魚.....焗魚......燒魚.......成日食，反而魚標(魚卜)就好少煮，新鮮魚標就會薑蔥爆炒，乾身魚標即是花膠，多數愛嚟燉湯、燴扒，魚標中含有大分子膠原蛋白質，是人體補充合成多白質的原材料，而且易於吸收和利用，可增強抗病能力，起到延緩衰老和抵禦癌症的效能。
                  薑蔥爆魚卜我好鐘意食，魚卜半煎炸，沒有腥味，蔥炒至味出，佐酒佳品。

食譜👇🏻

【日式燒鱔】

【日式燒鱔】

鰻魚又叫鱔∞，只是各地區叫法名稱不同，大人小朋友都鐘意食，每次BBQ鱔係必首席出現，我鐘意响街市買新鮮鱔自己醃，肉爽彈牙，不同一般外食鰻魚飯的，鰻魚汁甜甜的好送飯，响街鋪要食的大多數都係一早預整的，大批大批現成貨，超市買到嘅鰻魚又係已經整好晒嘅現成貨，口感淋淋的，如果係去BBQ食鰻魚，自家整法超簡單，只是你想食邊種質感，爽口彈牙或是淋滑感，只是在燒過程中溫度做法分別，BBQ醃好，放在鐵網上直接上火燒，熊熊烈火燒至金黃，以快打慢做法，肉質彈嫩，相反白炭或低溫焗做法，能而時間長溫度低，做法令肉質淋滑，兩者皆好味。ΩΩΩΩ

食譜做法👇🏻

【泰式粉絲蝦煲】

【泰式粉絲蝦煲】

泰國菜都係我喜愛菜式之一，從前屋企工人姐姐係泰國人，時不時都會叫佢煮泰國菜，從中偷師，又喜歡到小泰國-九龍城到處尋泰好食，或到網上參考其他人煮法，從而煮到自己喜愛味道，各人口味不同嘛，從那起是正宗？無從稽考....老師說：什麼叫正宗？那會有人知，只是家傳戶曉都是大約做法，沒人能證實，只要喜歡就可，烹飪都是隨心而行，用心去煮出的是有感覺的。

食譜👇😋

【油鹽水煮蜆】

【油鹽水煮蜆】

係一道超...超容易煮的餸，蜆新鮮，可有好多種煮法，有台灣九層塔炒、泰式咖哩炒、香港式豉椒炒、油鹽水煮.............好多好多......你鐘意嘅...其實炒乜都得，都你嗰句.....味道你試出嚟嘛....每人口味唔同，最緊要自己鐘意.....😋😋😋😋😋

食譜😋👇

【泰式咖哩炒蟹】

【泰式咖哩炒蟹】🦀

🇹🇭泰國菜也是我喜愛之一，以前工人姐姐和鐘點亞姨都是泰國人，經常都會煮泰國菜給我們吃，我也常偷偷走進廚房偷看她們煮飯(那時候我還是一個無飯煮婦喔...😂)，時間久了，我發問次數多了，她們也教曉了很多知識給我，現在我也喜歡久不久就到九龍城泰國店鋪買材料回家煮，店裡老闆娘也很好聊😽，她們在香港住了很長時間，算是半個香港人，我也經常請教她關於泰國菜烹調技巧，她們也很樂意教授，令人很心暖，這次我用做咖哩蟹醬包，非常容易購買，超級市場或有賣泰國香料鋪頭大多數有賣，價錢也是很便宜，我家大小老闆說和食店做的有九成相似，很好吃飯，快快試吧。😋😋😋

食譜😋👇

【蟹肉燴伊麵】

【蟹肉燴伊麵】

伊麵....超市、雜貨店都好容易買到，不過我就鐘意去九龍城陳明記嗰度買，佢哋嘅伊麵係我買過之中最好食，唔油冇油益味，好過壽X牌嗰D，佢哋仲有好多其他麵類、包皮類，基本上嗡得出都有，同埋好新鮮，價錢貼地，呢個熟蟹肉我係用透明膠盒裝，有三種分別蟹身肉、蟹腳肉同埋蟹鉗肉，响CC叔婆度有得賣，＄7x-$110左右，蟹肉鮮甜唔腥，最重要唔使自己慢慢拆肉，拆過一次大閘蟹後真係怕怕......😰。。今晚簡簡單單又一餐，清清哋唔錯....😋

食譜😋👇

【水煮田雞】

【水煮田雞】
喜愛川菜、喜愛麻辣、懂我的都知我鐘意麻香震辣感官情緒，令人不知間可在那停下，以前每星期總得去食兩、三次川菜，才能止止心癮，但總在街外吃，都是偏油和偏咸，吃多了身體越吃越腫，終的起心肝去學藝，自家煮可控制油度同咸度，總好比在街外吃得健康一點，這個菜式可隨自己喜愛去轉變，可煮田雞、桂花魚、班翅、牛肉....自己喜愛的都可加入....都是這說話【味道..是嘗試出來的】😋😋

食譜

白酒忌廉煮青口

【白酒忌廉煮青口】
本身好鐘意食法國藍青口，鮮甜、海味咸、軟滑，間唔使都會去cc叔婆度買嚟煮吓，白酒呀，清酒呀，白汁呀，唔.....超正.....今日正出發去尖咀中，朋友來電說原來响樂富街市都有新鮮紐西蘭青口賣，紐西蘭青口大大隻冇乜好感，怕會鞋肉(生蠔最怕食大大隻)，朋友極力叫我試話好滑，價錢係50蚊斤，嘩......法藍一包都要$180包，好....即調頭去樂富先，街市好乾淨，行到最大間海產店，嘩....法國藍龍蝦都有得賣，勁呀，見到紐西蘭青口$48斤，唔該：要百蚊啦，今晚就整白酒忌廉青口啦，唔使20分鐘就煮完勁方便嘅餸，個汁真係好好味呀，用嚟點麵包超正，講番個青口先，肉身好滑，大大隻啖啖肉，不過唔係我杯茶...食兩三隻已經頂住個胃...喜歡啖啖肉嘅朋友啱晒。

材料：紐西蘭青口 兩斤
            牛油。50g
            洋蔥。半個切細片
            蒜頭。兩粒切碎
            蕃茄。細兩個切粒
            白酒。200ml
            淡忌廉。150ml
             胡椒粉。少許 ， 芫茜。少許
做法：落牛油落洋蔥炒至軟身香味出，再落蒜頭粒炒香，轉大火放青口炒勻加蓋焗1分鐘，開蓋加白酒炒勻，等酒精蒸發約3分鐘，落忌廉炒勻再落番茄粒，加蓋焗至青口全開，如已有開口可先拎起，避免過熟，尾段全開口可熄火，放回之前拎起青口，加胡椒粉同芫荽撈勻，試味。食得 。

慢煮青邊鮑

【慢煮青邊鮑】

.81.5度30小時...好濃鮑魚味..彈牙...唔錯唔錯
做法：
原隻青邊鮑解凍後，不需加任何調味料，81.5度30小時，切片上碟，鮑汁加蠔油、麻油、生粉埋芡上碟，(如未即食可煮完即浸冰水降溫，之後放入冰格，兩日後食時拎出室溫解凍，再70度25分鐘加熱，汁加蠔油豆粉打茨，切片食得。)

這都係之前打落嘅食譜，現在重新整理再開心分享，希望大家有用啦....

教你如何整八爪魚丸

有圖有真相...教你整八爪魚丸