【紅酒燉和牛面肉】

【紅酒燉和牛面肉】

呢個食譜我都係跟網上Blogger跟著步驟去做，其實就不太難，只是要有耐性，但真係....好.....好......好味。。。如早一天煮定過夜，就更加入味....👍👍😋

食譜😋👇

【蟹肉燴伊麵】

【蟹肉燴伊麵】

伊麵....超市、雜貨店都好容易買到，不過我就鐘意去九龍城陳明記嗰度買，佢哋嘅伊麵係我買過之中最好食，唔油冇油益味，好過壽X牌嗰D，佢哋仲有好多其他麵類、包皮類，基本上嗡得出都有，同埋好新鮮，價錢貼地，呢個熟蟹肉我係用透明膠盒裝，有三種分別蟹身肉、蟹腳肉同埋蟹鉗肉，响CC叔婆度有得賣，＄7x-$110左右，蟹肉鮮甜唔腥，最重要唔使自己慢慢拆肉，拆過一次大閘蟹後真係怕怕......😰。。今晚簡簡單單又一餐，清清哋唔錯....😋

食譜😋👇

【自家乳酸糖】

【自家制益力多糖】

係一個很好親子活動👪。。。。自己在家做，好比在外買，不怕太甜，會食下太多副產品，做法簡單，有得玩又有得食....小孩也會有自信起來，簡單一個學習，她也會有信心做好......

材料：益力多            2枝（或果汁200g)
          魚膠粉            35g
          栗膠                1茶匙
          檸檬汁            1茶匙
          砂糖                6g  (可應個人口味加減）
做法：
1.益力多，魚膠粉，砂糖慢慢拌勻。
2.放入微波爐叮一分鐘（如冇微波爐可明火隔水蒸一分鐘）後，加入栗膠同檸檬汁拌勻至變糊狀倒入模具，放入雪櫃三十分鐘，食得。

【自家豆腐花】

【豆腐花】

久不久夜蘭人靜時，口裡總想有些甜甜的，但躺在家裡又不想出門，只好四圍摷，總有些材料可解決，心想：平時無聊買些，總有用之日.......😂😂

食譜😋👇

【西式燒雞汁】

【西式燒雞汁】

初初學煮西餐，煎牛扒、雞、羊，都會是買用現成醬料，將它翻一翻熱即可食用，超方便呵....但久了，為何出外餐廳食，醬汁超遠遠的好味，現成醬的永不及它，在西餐裡，最費時間的就是煮汁液，但當你嘗到的.....是會值的。

燒雞汁材料：

橄欖油。10ml，百厘香。3g，蒜頭。3粒，乾蔥。5粒(切片) , 洋蔥。半個(切粒)，鹽。少許，花雕油。400ml，雞湯。800ml，雞骨

燒雞汁做法：

「1｣煲落橄欖油爆香蒜頭、乾蔥、再落雞翼骨，落鹽、百厘香，爆炒至變金黃色，再落洋蔥炒至軟身香味出，再加入花雕油小火煮至收一半汁，再加雞湯至覆蓋全雞骨，滾起轉小火煮45分鐘，待用。

【西式羊肚菌汁】

【西式羊肚菌汁】

羊肚菌汁做法：
Morel sauce:
材料：
羊肚菌Dry morels。30g
乾蔥頭Shallot chopped。15g(切碎)
白蘭地Brandy。25ml
雞湯Chicken stock。200ml
淡忌廉Whipping cream。100ml
鹽、黑胡椒粉Salt、black pepper。少許

做法：
「1」羊肚菌用熱雞湯200ml浸30分鐘，至軟身揸乾水後切粒。
「2」開鑊落橄欖油炒香乾蔥頭，再加入羊肚菌粒，鹽、黑胡椒粉炒勻，再加入白蘭地(小心會搶火，可先熄火再加入酒後才再開火)，再加入之前浸羊肚菌嘅雞湯，小火煮至收汁一半, 再加入淡忌廉，小火煮理杰身，即可試味。

【低溫慢煮法國雞胸】

【慢煮法國雞胸】
Sous Vide French chicken breast

雞、又係雞、係呀....又係雞，我好鐘意食雞嘛，全隻雞除了頭同尾之外，唯一最唔鐘意食嘅係雞胸😔，以前無論點煮都好，雞胸肉都好難整得好食，煮熟咗就會鞋颯颯，D雞肉好柴😖，在網上搵好多資料嘗試用不同方法去煮，但都不能達到滿意程度，終也要的起心肝去學藝😎，當第一次嘗到老師烹調出軟軟滑滑白肉時，點解可以咁軟咁滑嘅？心裡暗暗自說...好彩我終於敗家敗得好了...(又比自己一個好好藉口去敗物)😂.....經過低溫慢煮過程，令雞肉組織軟化，鎖實肉汁，保留營養減少流失，因我家小孩都好鐘意食雞肉，為安心食用，我會選用不含雌激素有機雞肉，通常的都會SV定幾份放雪櫃，可做雞胸沙律、燒雞胸三文治也可做松露雞胸主菜配上羊肚菌汁....超正，SV 真係好方便呀.....😍😋

食譜↓

【慢煮黑松露雞翼】

【低溫慢煮黑松露雞翼】
Sous Vide truffles chicken wings

喜歡低溫慢煮，因可一次預備多些份量，而同時掌握精準時間溫度，能夠以穩定低溫烹煮肉類、海鮮及各式食材，從而減少營養流失，真空狀態也可延長食物保鮮期，平時最討厭吃雞胸的，只感肉好柴不好入口，SV完竟然好比雞腿嫩肉，肉滑多汁，只要溫度和時間準確，誰也可做大廚啦....
💓這菜式其實相當簡單易做，只要溫度時間啱，絕對係0失手，通常我會做定兩三份放雪櫃，食前半小時拎出做回溫即可，人多party也可預先做定，慳番唔少時間㗎...😜😜

食譜😘

白菌忌廉湯

【白菌忌廉湯】4-6人

我好鐘意煮磨菇濃湯飲，加埋松露冇得彈，但屋企小老闆竟然話太多菇菇唔鐘意飲，寧願飲街坊茶餐廳嘅常餐嗰種用湯粉開嗰D湯......唉.....玩嘢咩....好，就整比你啦......自己整總好過街嗰D嘛......材料簡單，快、靚、正又好味

食譜

【法式焦糖燉蛋】

【法式焦糖燉蛋】

蛋呀🍳....係呀🍳....又係蛋呀.....我真係好鐘意食雞蛋....之前未買慢煮神棍時，都會間唔時整嚟食，平時食吓甜甜，個人都放鬆D、開心D👻，嚟個專業而又易明做法......開工...😜😜

食譜

【麥家炆腐竹】

【麥家炆腐竹】

人越大越懷緬過去，味道是可歷久不變、刻骨入銘心，它那味道在於在乎者感情中，每次當桌上出現這菜時，也會令人一絲絲暖意在心，所以家中老闆要我一定要學識煮，望也可流傳下代，其實也不是什麼貴重菜式，只是他敬愛的人味道，努力。

食譜

【水煮田雞】

【水煮田雞】
喜愛川菜、喜愛麻辣、懂我的都知我鐘意麻香震辣感官情緒，令人不知間可在那停下，以前每星期總得去食兩、三次川菜，才能止止心癮，但總在街外吃，都是偏油和偏咸，吃多了身體越吃越腫，終的起心肝去學藝，自家煮可控制油度同咸度，總好比在街外吃得健康一點，這個菜式可隨自己喜愛去轉變，可煮田雞、桂花魚、班翅、牛肉....自己喜愛的都可加入....都是這說話【味道..是嘗試出來的】😋😋

食譜

【Sunday Dom Perignon Brunch】

【Sunday Dom Perignon Brunch】

一年一度話晒事嘅日子，等到頸都長，The Ritz-Carlton 118/F，#OZONE, 已一早想去好耐，雖然係日光日白飲香檳，雖係差點浪漫，但也和氣氛好夾，時尚感裝修，輕快音樂下，白雲伴坐，傲視景色，坐在全球最高酒吧餐廳中，令人不自覺地飲不停，餐廳人員也很細心介紹食物位置，而我喜愛香檳之一 Dom Perignon ，不停為你添加從未停手(好似怕你唔醉咁😜），坐位也很舒服，全場不太多坐位，是以梳化為主，食物以質為高，魚生、凍蝦、凍蟹、龍蝦、藍青口😋－入口已知新鮮甜身，牛、羊、雞、豬、龍蝦、熱食肉質嫩味香，但就沒有粥、粉、麵、飯，芝士、火腿🍗用上高品質材料(一般酒店不會用到48個月黑毛豬腿) , 甜品放到書櫃中，精緻漂亮，不太甜，好好味，當然價錢不是太吸引，但價性高，值得一去，如可飲到六杯香檳以上，已經回到本，我？ 當然唔會輕易放棄機會，盡我本能，食盡美食，飲夠回本，大老闆和小老闆同口說：你真的厲害，已回全本😂，最後....當然我係腳步浮浮 .... 帶著7、8分醉意回家再睡到晚上😴....爽到爆...真係想再去多次....(因為..我唔記得影甜品囉..😂😂)😚😚😚

【黑木堂】

2月14日情人節，細時總時喜歡兩人浪漫共度，又花又燭光晚餐，花費巨大只博一笑😚，人越大越漂離...當有了前世情人，總是去那都想跟她一起過，或已與朋友們一起，才會有聊不完事，其實响邊度食飯、食咩菜、同咩人、兩人或多人，都已經不太緊要，只要有自己喜歡嘅人在已足夠了。

今年情人節諗咗好耐，原是兩對人，想浪漫高級一番，但正值當天時節，真的不好有位，有訂位的，只有套餐但真的太貴了(賢良了😂), 想了又想，剛好朋友小店來了極少有的【池魚王】🐟好，終於決定去食時令的，預訂了半條池魚王(不要小看半條，五人也食不完)，再上次食池魚王時已是在日本旅行時，那份鮮甜清爽質感，真令人回味，終於不是兩對人，轉頭一變成7個人，多了人也可讓人多點菜(我已經改變不少，很久未胡亂點菜了😂)，真不好意盡點了自己必食【魚脂壽司】🍣火燒後魚油包住舊壽司飯，香到我可直食5、6件😜【鹽燒牛舌】🍢牛舌經煮淋再切厚件鹽燒，番食必選，【鰻魚飯】🍱🍶價性好比我在日本sky tree四百幾蚊好食，還有超多款魚生飯，自家煮真材實料三文魚味增湯，晚上好彩朋友留了枱給我們，要不真的要等一段時間，周圍都是一對對小情人點選魚生飯，經濟又溫馨呵....喜歡小店可一人前或三五知己也可，也不需Dress code，小店喜愛...😘😘😘💝

【黑木堂 Kurokidou】
地址：大角咀富多來商場二期鐵樹街28號地鋪

【自家海南雞飯】

【自家海南雞飯】

🐔呢個係一個非常容易，出席率超高嘅菜式😋，用蒸爐包冇甩拖，零失敗，本家大小老闆只愛食新鮮、啖啖肉起骨吃🍗，肉質滑滑香香，再加上雞油飯.....真係會忍唔住食多碗飯。😜

食譜

【自家咸酸菜】

【自家咸酸菜】

近期食得太多嘢....成日想食D甜甜酸酸嘅嘢...(唔好想錯呀...😜)，去街市買咸酸菜又唔知會落D乜去醃，食落肚都擔心，自家整就最安心，有排食....😋

自家鹹酸菜

材料：鹹菜 1斤。鹽 3湯匙。
糖醋水（醃菜）：白砂糖 200g。黃砂糖 200g。熱水300ml。米醋 300ml。酸梅 6粒。
做法：[1]先將鹹菜去葉留梗，用3湯匙鹽加水攪勻浸過鹹菜面，約1小時後，用清水洗淨鹽份。[2]將糖醋水全部材料攪勻，鹹菜放入大玻璃樽內，將糖醋水倒入至過鹹菜面，放雪櫃隔晚就得。

溫泉蛋牛肉煲仔飯& 紫菜豆腐魚蛋魚湯

【溫泉蛋牛肉煲仔飯】

過年前過年後都係食..食..食...什麼菜差不多也吃勻..😅 。。。。尤其過年後食團拜飯多數都係中餐，攪到响屋企自己都唔知煮咩好🤔，數一數...都有十幾日冇煮過飯😅...今晚.....就簡簡單單.....求求期期......整番個🍳🐂溫泉蛋牛肉煲仔飯先..， 呢味通常都係我諗唔到煮咩餸時最常出現嘅.....😂😂，我真係好鐘意食溫泉蛋㗎😋，用蒸爐整超方便，按幾吓就攪掂，牛肉我鐘意肉味濃d嘅頸脊，整滑牛超正，再煮多煲紫菜豆腐魚蛋魚湯，唔.....正到呢.....😋😋😋😋

【溫泉蛋牛肉煲仔飯】3-4人份量