詩C工房 C.Cfunstudio: 2017

2017年9月14日星期四

慢煮銀鱈魚

【慢煮銀鱈魚】Sous Vide Black Cod

用Sous Vide 煮魚，可防止魚肉過熟變嚡口，保持魚質嫩滑，用於西餐較適合，中餐講究熱食，而銀鱈魚入口即化，肉質非常細膩，有獨特的清香和鮮味，銀鱈魚一般比較適合大陪分人食用，分別是孕婦產婦、嬰幼兒、青少年、白領、中老年人。

因為銀鱈魚所富含“魚油”，而魚油的主要成分是不飽和脂肪酸，同時不飽和脂肪酸分別是由DHA和EPA組成，其中DHA可以健腦明目、增強記憶力、促進腦部發育、預防憂鬱症、緩解壓力。

而EPA則可以降低血脂血壓學粘度、防治關節炎、改善情緒和安胎的作用，這個都是這五類人群所最需要的。(以上為維基解說)

銀鱈魚需魚油重，煎香不嚡身，慢煮方法同樣用作制三文魚都非常之好食，三文魚熟食魚肉嚡，但經低溫慢煮後，完全嫩滑，值得一試。

食譜👇😋

【法式油封鴨腿 • 慢煮版】

呢個菜式其實材料已經買咗好耐，雖然功夫簡易但時間長，所以一直放响冰櫃度，近期要清清櫃先至的起心肝去做，做西餐菜式或用作炒飯都好鬼正，尤其炸完嘅鴨油用嚟撈麵撈飯或炒菜都好香，而且膽固醇比豬油和雞油還要低，煎煮炒炸都適合，大超市都有罐裝鴨油賣，多數由法國入口，大約$50-$60罐，而我今次做6隻鴨腿，都係用番自己鴨腿脂肪自己炸，健康又慳錢。

油封鴨 Confit de Canard，法國人用鴨油低溫下封煮鴨最少10小時後再煎脆鴨皮，做法材料簡單，除了傳統用煲入焗爐油封煮外(鴨油要浸過面，相對需要多油)，現在可更簡單乾淨少油嘅做法(慳番唔少人力物力)，「Sous Vide」-- 雖然時間長咗，但溫度穩定，用油少好多，可獨立包裝可隨時食用，瞓前放入，瞓醒攪掂，SV 係一個廚房好幫手。

💢

食譜👇😋

2017年8月4日星期五

【滑蛋炒牛肉】

【滑蛋炒牛肉】🐂

係一味快、靚、正嘅餸😋，好多時諗唔到煮咩就會煮呢個，可伴飯又高營養，滑蛋炒牛肉我諗應該冇咩人唔識煮，不過我家姐姐次次都會炒出嚟嘅蛋係全熟，都好食嘅.....不過D蛋鞋D囉😬，今次教姐姐熄火炒，真係滑好多，同埋我鐘意用牛柳炒，小朋友容易咬D消化容易D，我家雞蛋去貨好快，所以成日雪櫃都有新鮮蛋食，好多人都說湖北蛋比較香，但我比較鐘意食香港蛋，可能就係會比較安心吧！🍳

食譜👇👅

2017年8月3日星期四

古法蒸鷹鯧魚

【古法蒸鷹錩魚】🐠🐟

鷹錩係錩魚中之王，其魚肉白厚、肉多骨少、魚味濃、不帶腥味，街市內不常有，因鷹鯧一上水就會死，所以漁民捉到就立即冰鮮，但價錢往往都要十幾元一両，越大條身價越貴，比海班還要貴，街市會游水的多數係便宜很多的黃立鯧，如有游水鷹鯧賣，我相信會是天價了。

鯧魚多數人都會是用煎、炸、豉汁蒸方法烹調，但剛過去不久，和家人曾在泰國唐人街一間中菜館食過一種古老方法烹調，家人說這是潮州舊式煮法，香港現在很少人會這樣做，我沒有食魚天份，但家人對魚有些要求，食過此魚後一直念念不忘，回港後也曾有意冇意提過些........好吧.....即上網搵資料參考一下，看見也有好幾種做法，孤注一試啦.....參考幾個資料再混合在一起....應該唔會差呱.....😂😂😂, 好彩當晚冇令家人失望....都又幾好食㗎.....😜😜😜

食譜👇

2017年7月14日星期五

【清湯腩】

【清湯牛腩】

已好耐冇過海食清湯腩，好掛住呀😍....正在想念之際，靚仔老細打嚟....「做乜咁耐唔過嚟食爽腩呀？」....唉..😫. 又挑起條筋.....我都想食呀........冇腳同我去食，冇理由自己一條友過去嘛..😪.(雖然靚仔老細成日話一個人嚟食都唔怕啦，識我嘅人都知我最鐘意係食爽腩啦，一個人點食呀？同埋我唔鐘意一個人去食嘢嘅感覺，冇人陪咪寧願唔食...😢...囉....) , 每次去食例必一味，唔該「全餐」伙計見親我只問「河呀？」「係」「喱唔喱？」😂，佢哋知我只會食爽腩，真係由細食到大，講吓講吓都有成廿年以上，講番先，冇人陪我去食又想食點好呢？😅唯有自己整啦，之前都氹過靚仔老細套吓料，有乜秘訣.....佢講講吓...停咗話....講晒比你聽...我仲使做？😂😂😂，好你唔講我就上網學.....套到有三成料其餘七成試啦，終於整過十次八次後，今次覺得係最好食嘅......連屋企人都係咁話，好。。。即刻記底先，年紀大記憶體唔夠，唔係又唔記得....😜

食譜⬇👇

2017年7月12日星期三

【蝦子蝦膠蒸豆腐】

【蝦子蝦膠蒸豆腐】

早前公司裝修，難得可和同事齊齊放假，近近地入大澳吸下新鮮空氣，大澳是香港最出名漁村之一，海味鋪眾多，好多商鋪賣的都是外地拿回去賣的，都係識朋友好過識字啦，朋友半個大澳人，帶我哋去買漁民自己生曬海味，超正，蝦子自家炒，香味濃濃的，蒸完出嚟真係冇嘢講啦,，今晚做呢個餸，清淡中帶點點海風味，淡中帶濃、濃中帶點荳清香，蝦膠做出甜爽彈牙，簡單清爽一味佐飯餸。

【蔥爆魚卜】

【蔥爆魚卜】

魚.....煎魚......蒸魚.....焗魚......燒魚.......成日食，反而魚標(魚卜)就好少煮，新鮮魚標就會薑蔥爆炒，乾身魚標即是花膠，多數愛嚟燉湯、燴扒，魚標中含有大分子膠原蛋白質，是人體補充合成多白質的原材料，而且易於吸收和利用，可增強抗病能力，起到延緩衰老和抵禦癌症的效能。
薑蔥爆魚卜我好鐘意食，魚卜半煎炸，沒有腥味，蔥炒至味出，佐酒佳品。

食譜👇🏻

2017年6月17日星期六

【日式燒鱔】

【日式燒鱔】

鰻魚又叫鱔∞，只是各地區叫法名稱不同，大人小朋友都鐘意食，每次BBQ鱔係必首席出現，我鐘意响街市買新鮮鱔自己醃，肉爽彈牙，不同一般外食鰻魚飯的，鰻魚汁甜甜的好送飯，响街鋪要食的大多數都係一早預整的，大批大批現成貨，超市買到嘅鰻魚又係已經整好晒嘅現成貨，口感淋淋的，如果係去BBQ食鰻魚，自家整法超簡單，只是你想食邊種質感，爽口彈牙或是淋滑感，只是在燒過程中溫度做法分別，BBQ醃好，放在鐵網上直接上火燒，熊熊烈火燒至金黃，以快打慢做法，肉質彈嫩，相反白炭或低溫焗做法，能而時間長溫度低，做法令肉質淋滑，兩者皆好味。ΩΩΩΩ

食譜做法👇🏻

2017年4月6日星期四

【燉冬菇】

【燉冬菇】

我諗無人會鐘意聽「燉冬菇」呢三個字，不過食就個個讚😋，我由細到大都好鐘意食冬菇，以前响屋企婆婆會一早炆定一大盤冬菇晚夜做餸，現在我哋在職人妻無咁多時間去預備菜式，唯有搵D簡單、直接、方便、方法去顯示我哋不平凡一面比老闆睇(懶係扮吓嘢先😂)，趁放假有時間响屋企就攪呢攪路先（多數都係整定做真空處理既可以保鮮又可以食到住家味），整定D餸一放工返屋企煮兩煮就得，燉冬菇基本工做法其實都係跟一般燉／炆一樣，只是我改用Ball jar做，放入蒸爐蒸1小時45分鐘就得，之後等涼後就可放入雪櫃，因樽內已呈現真空狀態，如未食可放室溫／雪櫃，一、兩個月冇問題，如開蓋了就一定要放雪櫃，每次用要用乾匙拎出，我一樽分三次食，每次用完會再抽真空保存，試過食咗三個月，好彩冇事😅

【燉冬菇】食譜👇😋

2017年4月1日星期六

【泰式粉絲蝦煲】

【泰式粉絲蝦煲】

泰國菜都係我喜愛菜式之一，從前屋企工人姐姐係泰國人，時不時都會叫佢煮泰國菜，從中偷師，又喜歡到小泰國-九龍城到處尋泰好食，或到網上參考其他人煮法，從而煮到自己喜愛味道，各人口味不同嘛，從那起是正宗？無從稽考....老師說：什麼叫正宗？那會有人知，只是家傳戶曉都是大約做法，沒人能證實，只要喜歡就可，烹飪都是隨心而行，用心去煮出的是有感覺的。

食譜👇😋

2017年3月31日星期五

【368層酥皮蛋撻】

【368層酥皮撻】

九龍城是我經常到訪區域，城中有不少出色小店，長久以來一想到九龍城，腦中第一想...去食泰國菜，近這4、5年來，龍城中已漸漸趨勢改變，不少聞名店鋪都漸漸進駐，下午茶小品我通常都會🚘揸車到九龍城買外賣回公司，時常經過看見這店在年頭前還是只有圍板，外寫上港式368層酥皮蛋撻，已令我熱切期待，剛開店時大排長龍，聽聞要排一個鐘以上，拖了又拖....終於的起心肝去買，好彩下午時間不太多人，我是超愛吃酥皮怪，眼見店內除了有酥皮原味蛋撻、北海道牛奶蛋撻、芝士蛋撻、超愛嘅榴槤蛋撻外，還有好多顏色好靚嘅水果撻、咸撻........真係想講：「唔該，每樣要一件」😂😂😂😂，忍唔住要即消滅一個才心息，即食了一個榴槤撻........5....5....好好味呀.....😍😍😍....果然係368層酥皮(我冇數過係咪真係有咁多層)，鬆..鬆..酥酥...我下午茶名單又多一個......

酥皮榴槤蛋撻，甜而不膩

＃酥妃皇后 -九龍城侯王道24號

2017年3月28日星期二

【慢煮阿華田燉蛋】

【慢煮阿華田燉蛋】

比用焗爐更好食更滑更保存得耐....唔使用火槍，只要食時响面度加上阿華田粉食，簡直.......童年回憶返嚟😋.....小老闆仲話...咁大個人從未食過咁好味嘅Cream Brûlée呀.....😂😂...其實都係用番之前SV Cream Brûlée食譜整，只更改糖份量同加入阿華田粉，小心食唔停呀......😂😂😂😂

兒時最鐘意就咁倒落口食...😜

一次過整定多D.....可以隨時食....慢慢食....😋😋😋

食譜👇😋

2017年3月22日星期三

【慢煮蜂蜜芥末豬肋骨】

【慢煮蜂蜜芥末豬肋骨🍖】

喜歡慢煮就是可以令肉質保持嫩滑，鎖緊肉汁🍖，保持營養不易流失，還可預早安排，慳番唔少時間，啱我隨時隨地可番煮食，呢次整豬肋骨好成功，超入味，因近期好少時間在家煮飯，幸好我用真空處理方法，放在雪櫃已一星期有多，都沒有變質，肚子也沒事😜，這個食譜是在台灣一個慢煮谷內學習到的，怕自己沒記性，只好煮完每一個菜式，都記錄下來，怕有天自己變🐷了。

豐富肉汁，肉骨輕易分離，肉身唔乾身，超入味😋😋

豬排肉起骨，豬肉做吉列豬扒，一🐷兩味😋

真空慢煮，儲存方便衛生，

食譜👇😋

2017年3月17日星期五

【笑爆肚、食飽肚開心夜】

【笑爆肚、食爆肚開心夜】

311笑蛋夜😱😱😱，超....超....好玩.....超開心.........雖然唔係飲飽食醉(無酒精聚會,下次要帶埋酒去先好😂)，但係就笑爆肚食飽肚，笑蛋滿場飛，第一次由毒谷攪齊齊敗齊齊玩齊齊食聚會，自己第一次單人匹馬去參加陌生派對，心情既緊張又興奮😜，全場好多人都係素未謀面毒谷友，不過有一點大家都相同，大家憑著一顆對食物追求熱誠，敗物目標份心態，凝聚力量動力成功，盡興飽肚而回，盡嘗毒谷友魔鬼美食，無私分享交流煮食心得，香港有的就是這人情味～好暖喔～
毒谷中高手遍地，當晚真心學識不少，(當然毒癮又發作啦😂), 多謝毒谷幫主無私奉獻(出錢出力出肉出精神)，仲有一班無私毒谷友義工，仗義相助，不停為我哋安排敗物放雞執雞，全程五小時真不夠喉....各毒谷友分享魔鬼美食...有不同慢煮肉分享(食過真係冇可能有藉口唔敗物整)，香脆脆超好味麵包......仲有大大個要自己扑開嘅椰青...........真....真超開心....艾史毒谷....😍😍😍😍😘😘😘😘

新玩具......😁