自家醃咸蛋

【自家醃咸蛋】
咸蛋有好多種，D人成日話唔好食咁多醃制品呀，冇益㗎，又係喎....出面買嗰D點解咁靚㗎？人哋加咗咩料整，你又知唔知？可以自己整到嘅...我都會自己整，食落肚喎....安心D好。。做法又簡單，做定十隻8隻放雪櫃又得...得咗

材料：
新鮮鴨蛋／雞蛋          10-15隻
海鹽                             250g
水                                1000ml
花椒                             2湯匙
八角                             4粒
玫瑰露                          3湯匙
做法：
1－蛋洗乾淨，抺乾不要有裂痕，玫瑰露搽勻蛋上，放入玻璃瓶內。
2－鹽，水，花椒，八角煲滾，海鹽溶晒，待涼透。
3－鹽水涼透後倒進玻璃瓶內封蓋(鹽水一定要浸過晒D蛋），30天後食得，如不夠咸可浸多數天，之後可放進雪櫃一個月內可食。

魚仔年糕

【魚仔年糕】

好耐冇試過瞓到中午自然醒，爽呀🤣....精神晒...放假有乜攪作好？行街又多人又迫🤔，之前幾日都見人响卜卜度比人洗版，鯉魚年糕....，d人整得好得意，成日都想試整，一於今日就攪佢啦....食個Lunch就出油麻地買料..順手睇吓有冇🍒買先，响上海街買完魚模....再行埋隔離街果欄..嘩..多人到好似行年宵市場咁....喳喳林買完🍒即走，寶石30-32m...承惠＄580 ...都幾貴吓.🤔...不過我家小老闆話要食又肯陪我出嚟買嘢，好啦... 買啦.😅......返到屋企即開工，上網搵咗好多資料，都唔難攪呀，開始整第一轉時未熟手，硬係唔多靚，自己食鬼咗去，第二轉開始捉到竅門，越整越好玩，終於整咗幾十條魚仔年糕，我覺得好似返學上美術課咁，其實我好鐘意DIY，好有滿足感。🤣🤣🤣整完真係好鬼靚，有D唔捨得食....不過小老闆就係咁食......

材料(30條小魚)

牛油果雞蛋三文治

【牛油果雞蛋治】

牛油果益處一上網就好多都有講，降低膽固醇油酸是牛油果油所含的單元不飽和脂肪酸，可代替膳食中的飽和脂肪，降低膽固醇水平，保護心血管，纖維含量亦很高，當中的可溶性纖维能清除體內多餘的膽固醇，並有助保持消化系统功能正常，預防便秘。 建議在日常餐單中加入牛油果油，如作沙津油或三文治餡料都是不錯的選擇。 不過如血脂高人士就少食為妙。
我最鐘意都係用嚟做沙律三文治，飽肚又健康，唔錯嘅早餐選擇。

用具：B仔方形模

賽螃蟹

【賽螃蟹】

凍凍哋整咗幾個燉蛋食，咁D蛋白點處置好呢？又唔想整甜品，都係留番煮個餸都好，就煮番個冇蟹肉嘅賽螃蟹先....😋

食譜

越南菜－安南

【越南菜-安南】
香港地有世界各地美食，水準之高可謂「美食天堂」，但隨著樓價高企，租金瘋狂加幅，令聚多地道小店難逃閉店，下來多只集團式才可支撐得住，只能嘆惜。。。但肚都要食....
今年第一餐團年飯，同乖乖仔仔、乖乖女女同食，選擇又一城商場食店，地點位置方便，環境比較舒服，沒有大大聲普通話，食物水準不錯，味道像似在越南食時口味，其實已是多次去食，現在要食越南菜像沒有太多選擇，呢間不錯的。

白酒忌廉煮青口

【白酒忌廉煮青口】
本身好鐘意食法國藍青口，鮮甜、海味咸、軟滑，間唔使都會去cc叔婆度買嚟煮吓，白酒呀，清酒呀，白汁呀，唔.....超正.....今日正出發去尖咀中，朋友來電說原來响樂富街市都有新鮮紐西蘭青口賣，紐西蘭青口大大隻冇乜好感，怕會鞋肉(生蠔最怕食大大隻)，朋友極力叫我試話好滑，價錢係50蚊斤，嘩......法藍一包都要$180包，好....即調頭去樂富先，街市好乾淨，行到最大間海產店，嘩....法國藍龍蝦都有得賣，勁呀，見到紐西蘭青口$48斤，唔該：要百蚊啦，今晚就整白酒忌廉青口啦，唔使20分鐘就煮完勁方便嘅餸，個汁真係好好味呀，用嚟點麵包超正，講番個青口先，肉身好滑，大大隻啖啖肉，不過唔係我杯茶...食兩三隻已經頂住個胃...喜歡啖啖肉嘅朋友啱晒。

材料：紐西蘭青口 兩斤
            牛油。50g
            洋蔥。半個切細片
            蒜頭。兩粒切碎
            蕃茄。細兩個切粒
            白酒。200ml
            淡忌廉。150ml
             胡椒粉。少許 ， 芫茜。少許
做法：落牛油落洋蔥炒至軟身香味出，再落蒜頭粒炒香，轉大火放青口炒勻加蓋焗1分鐘，開蓋加白酒炒勻，等酒精蒸發約3分鐘，落忌廉炒勻再落番茄粒，加蓋焗至青口全開，如已有開口可先拎起，避免過熟，尾段全開口可熄火，放回之前拎起青口，加胡椒粉同芫荽撈勻，試味。食得 。

慢煮青邊鮑

【慢煮青邊鮑】

.81.5度30小時...好濃鮑魚味..彈牙...唔錯唔錯
做法：
原隻青邊鮑解凍後，不需加任何調味料，81.5度30小時，切片上碟，鮑汁加蠔油、麻油、生粉埋芡上碟，(如未即食可煮完即浸冰水降溫，之後放入冰格，兩日後食時拎出室溫解凍，再70度25分鐘加熱，汁加蠔油豆粉打茨，切片食得。)

這都係之前打落嘅食譜，現在重新整理再開心分享，希望大家有用啦....

紅棗椰汁千層糕

【紅棗椰汁千層糕】【青怡--新疆駿棗】
材料 : 紅棗-----170g（想再濃可加到300g）
木薯粉----300g
粘米粉----40g
糯米粉----20g
冰糖----300g（冰糖份量只供參考，因為不同嘅紅棗甜度不同，最後都要自己試味）
椰汁----400g + 水----200g = 600ml攪混
做法 :
(1)，先將木薯粉、粘米粉、糯米粉用篩過，混和備用。
(2)，將紅棗浸軟。
(3)，將浸軟紅棗加600ml椰水放煲內煮滾熄火，焗10-15分鐘，紅棗夠淋就得。
(4)，將紅棗分批放入攪拌機打成泥，太乾的話可加少許椰水（即係同紅棗一齊煲600ml嗰d椰水）一起打。
(5)，用一個大碗，上面放上篩子，將紅棗泥隔渣，泥狀的紅棗比較難隔渣，可慢慢加回些椰水一同隔渣會容易d, 要比d耐性。
(6)，隔好渣嘅紅棗泥會變成滑滑紅棗糊，可加埋餘下椰水（即是同紅棗一齊煲嗰d椰水）。
(7)，將冰糖加入紅棗糊內，冰糖嘅份量可按自己鐘意甜度加，要慢慢試味，大約略甜就可，加了粉後會變淡，以小火慢慢煮。
(8)，將煮好嘅紅棗糊同(1)混合，攪拌至沒有粉粒。
(9)，蒸模先掃上一層薄薄嘅油，方便起模。
(10)，落模前再一次用篩作最後一隔，令紅棗糊更滑。
(11)，用千層方法去蒸，每層以大火蒸5分鐘。
(12)，記得每次加紅棗糊時都再攪一攪個粉漿。
(13)，蒸到最後嗰層，蒸多10分鐘左右。
(14)，凍咗後就可以脫模，切件，可食（我覺得蒸番熱食，好好味）

【泰式豬丸米】

【泰式豬丸米】
夜媽媽睇完10:30，笑餐飽，一路睇一路笑個肚一路打鼓，金句聽完要醫肚，晚媽媽又唔想食咁飽，左抄右抄見到冰格有包豬肉丸，諗住齋食丸算啦...點知大老闆又話要食....最好加多個米粉喎....哦...大老闆要食點敢唔九秒九沖入廚房整😅...打開櫃就見到有兩盒泰國船麵...就食你啦.....其實我覺得一般，湯汁太甜..落番d魚露就好好味....加埋泰式炸豬皮....嘩絕配呀.....舒服晒...老闆..食得啦......😋



慢煮花雕雞

【慢煮73c° 2hrs 花雕雞】😍😍🐔

雞肉超滑，連雞胸都好鬼滑，真係好好味，今日行街市諗住買隻雞嚟試吓將平時用煲整花雕雞轉做慢煮方式嚟整，得喎..個個都話好食過用煲整..(唔通平時整得唔好食？🤔)
材料：雞一隻（兩斤半）
            薑(8片)、乾蔥頭(5粒切半)、蔥(3棵切段)、冰糖一細舊
醃雞料：老抽一湯匙、生抽兩湯匙
醬汁料：花雕 150g, 雞湯300g, 水120g,
做法：「1」雞開半洗乾淨，吸乾水，先用醃料醃1小時(可用真空盒裝，更入味)
「2」開平鑊加少許油，將雞皮嗰面煎一煎，有少少燒焦見上色就得，入袋待用。
「3」細煲加少許油，爆香薑、乾蔥頭、蔥，出香味後再加入醬汁料煮滾熄火待涼再加入雞袋內。
「4」73c° 2小時
「5」開袋，雞倒出待涼，斬件放碟上，將汁倒出煲中，冰糖加入醬汁煮至濃縮至1/3，(煮完可在汁中再加入1湯匙花雕酒)試味，淋上雞上，食得。

ps: 如果煮完未即食，可即浸冰水冷卻後放雪櫃，食時前30分鐘用熱水(約沖涼全熱水)浸30分鐘就可。

【漢發麵家】

深水埗長沙灣老店－【漢發麵家】

在深水埗屹立已逾四十多年，四年幾前由石硤尾街街邊，遷入現在大南街鋪位，夏天有冷氣，雨天可避雨，相比排檔當然舒適很多，我才是近年由朋友推介給我，現已在我粉麵檔中排首席了，每次必食....厚身成熟帶爽脆−豬膶 ，鬆軟入味−炸豬扒，淋身入味勁膠原−豬手，每星期必有一到。。大南街192號

教你如何整八爪魚丸

有圖有真相...教你整八爪魚丸 

法式焦糖燉蛋Cream Brûlée

法式焦糖燉蛋(慢煮版)
比用焗爐更好食更滑更保存得耐..

SV Cream Brûlée 😋😋
80° 45mins 比用焗爐整滑好多好多.....(份量Ball樽4oz x 8)
材料：
1）Egg yolk 蛋黃 200 g 
2）Castor sugar 幼砂糖 70g
3）Whipping cream 淡忌廉 400 g
4）Milk 牛奶 200g ,
5）Vanilla bean 雲呢拿豆條 2pcs 

6）Castor suger extra for dusting 30g
做法：
《1》將「1」同「2」攪勻至待用
《2》將「3」同「4」「5」一齊煮，要用最細火煲，煮至出有微煙熄火
《3》將奶逐少逐少倒入蛋液內，一邊倒奶一邊攪，一定要慢慢逐少逐少倒落，太快落太多奶會令蛋液熟，攪至砂糖全溶
《4》用隔網入樽，80度45分鐘，(時間到可拎起一個打開睇睇，如不夠杰可再加多10分鐘，因應樽身大小)

《5》拎起樽身浸冰水待涼放雪櫃，食時再响面落一層砂糖，用火熗燒至變脆面即可。

川貝冰糖燉檸檬／陳皮冰糖燉檸檬

【川貝冰糖燉檸檬】

天氣轉變，在城市中空氣污染，令很多人氣管不好，或多食一些熱氣上火食物，或一些晚上久咳的，尤其半夜更厲害，這個可令你舒暢些，可幫助入睡好點，🌾川貝可止咳潤肺，去火潤喉，對於喉嚨不舒服很有效果，🍋冰糖清熱潤肺、檸檬化痰止咳，這可以增強清熱止咳的功效，冰糖燉檸檬一年四季都可食用，對皮膚美白也特別有效，還能幫助清理腸胃，排毒減肥的效果也不錯，之前這食譜是用明火燉煮最少要12小時，但現在我改用低溫慢煮方法去烹煮，效果也不錯，還不需要擔心用明火煮時煲內水會乾，真的很不錯，一次可做多樽，大人小孩飲也很好，快快來做吧，準備好Ball樽未呀.........😜😜😜😜

PS：川貝只適用於治療熱咳、燥咳，如乾咳或痰黃，或口乾舌燥等症狀，長期處於緊張、壓力下也會因為久鬱化熱，容易偏向患燥咳，症狀包括乾咳、大便乾硬、舌紅、喉嚨乾、聲沙無痰、口鼻乾等。燥咳者食用川貝有潤肺作用。

【陳皮冰糖燉檸檬】
功效理氣健脾，燥濕化痰。用於胸脘脹滿，食少吐瀉，咳嗽痰多。其實做法一樣，溫度同時間沒變，只是將川貝改為陳皮就可以。

食譜😋

【川貝燉檸檬】
溫度：85°C    時間： 24hrs
玻璃瓶size:「32oz ball jar 」

材料：400g 檸檬、400g 冰糖、10g 川貝粉
做法：檸檬用鹽擦乾淨表皮層臘質，抹干切細粒，走籽，將冰糖(打碎)、檸檬粒、川貝粉放入樽(一層檸檬一層冰糖做法)，12小時後拎出開蓋攪勻，再繼續餘下12小時。😜

詩C工房終於有屋企啦.....

以前曾在Y時代像其他父母般寫Blog想記下兒子生活點滴，跟他愛玩愛食歲月，記錄佢嘅成長路程，每當回顧還會甜甜在心頭，隨著時間漸逝...人都偷懶...已變成往事.....

當接女兒到世時，又再次將生活點滴記下，原來自己愛玩愛食沒改變，只是由從前喜歡周圍食到現在喜歡自己煮，喜歡去學東學西，喜歡去分享成果，以前喜歡敗衫褲鞋襪袋，現在卻喜歡敗色彩繽紛廚具、新奇好玩家品電器，認識志同道合敗婦人，大家交流煮食心得，學無止境...加油🍻